上海世博搏命遊(二)

睇展館之前，不如同大家先進入園區了解下環境！呢日落雨兼Ｄ、Ｅ區少人，義工們爭取機會刨地圖～ 又係嘅，嗰時先開園幾日，應該未熟晒～ 呢啲年輕志願者OK架！態度親切有禮，我哋問過幾次嘢，都冇話點錯你！

呢段溫馨提示，可以列入中國特產～

叔叔頂帽寫住「文明觀博」，咦，statement，fashion嘢喎！

園內穿梭巴士，電池車嚟，最盞鬼係一埋站就叉電！咪住先，呢類電車，我有冇喺第二度見過呢？真係唔記得咗！

搶搭巴士嘅真實情況......唔，我都係行路算......

呢架電池車，靜英英架，不過太靜都有危險，路人察覺唔到～ 聽講有人建議要加返噪音......

下沉式廣場呢個詞實在太驚嚇，你唔好話俾我聽係從英文譯返嚟呀！

超乎常識題：呢句Paradise for People，喺邊個國家展館呢？請回答！

奇景圖：《中國人在黑山》


～第二節完～