行世博其中一種最大樂趣，就係勁掃細館，即係綜合展區嗰種，好集中，冇乜人去唔駛排隊，唔多嘢搞好快睇完，一個鐘可以掃八個館！觀眾亦可藉此認識下啲相對陌生嘅國家，例如神秘的中亞，呢啲地方，你唔係旅行家真係好難有機會去到。
細館唔等於唔好睇，就好似呢個吉爾吉斯館，啲手工人仔好吸引我，個個神情都好特別，啲衫又靚，樣子又有特色，唔似我哋平時見開嗰啲一式一樣嘅都市式潮爆傀儡公仔。細國雖然資源同財力唔夠大國多，唔可以好似中國咁將所有嘢放到最大size，咁就不妨將啲嘢縮細嚟睇囉，細都有細嘅好處......
每個國家每個民族，都唔希望有動亂......
希望國民可以齊齊整整，人與人之間和平共存......
但係當國家裡面出現矛盾同仇恨，應該點處理呢？
呢啲唔單止係領導層嘅視野同能力問題，亦一定係歷史嘅問題，必須正面面對，從根本去解決，拆開矛盾，消除怨氣......
神奇女俠嚟喇！吉爾吉斯謝安琪～
場館職員一邊當值，一邊整手工藝品賣。能夠活喺以手工藝維生嘅時空，感覺真係好幸福，我懷疑我前世(如果有)都係做呢啲嘢嘅。
一個公仔賣一百三十五蚊人仔，其實我都好想買，但目前已經擁有太多娃娃，都係好不負責任咁影張相算......物質，真係不能擁有太多～
我覺得呢個logo好有意思，舞者、獵人、牧畜、花草、飛鳥、野生動物同傳統圖案，驟眼看來就是一體，結合成完整而獨特嘅生活國度。希望吉爾吉斯騷亂早日平息，烏茲別克族人搵到安全嘅落腳地。
～第九節完～
有時真會想如果神的公義和愛能傳遍世界各地 相信這個世界一定可以少一點紛爭(基督徒的想法) 當然不包括一些激進宗教份子的想法
回覆刪除如果人能放低自我多重不同角度處事 就可以减小紛爭
回覆刪除昨晚看了相思光年令我很感動,男主角可以等女主角咁耐.女主角為了男主角竟然寧願自已離開 相思之苦不能用筆墨形容 如果我是男主角我一定陪她渡一生最後的一段路 為了愛一個人犧姓自己幸福不是人人司以造得到 尤其相愛又不能碰是很痛苦
回覆刪除吉爾吉斯謝安琪 XD
回覆刪除都真係好似 xdd
邊個係謝安琪？
回覆刪除不如你講你係邊個先!嘻嘻~
回覆刪除我有没同你讲过，buenos aires那个地标，那个碑咧，其实好矮，之前以为好似东方明珠系个塔离，不过周围d楼都５摩天，比例岩岩好
回覆刪除