唔好意思，又隔咗咁耐～過去一星期又忙又病又要陪睇波，尋晚睇電視辯論又激氣，都係平心靜氣返返嚟講埋個世博先！最近有消息話，荷蘭館啲羊咩已經俾人整爛晒，唔係呀嘛？聽到真係幾心痛，好多人仲話諗住九月先去，到咗九月，啲嘢都唔知變成點......
喺我心目中，如果西班牙館排第二，第一位就係英國館。呢座蒲公英建築，我睇資料時已經覺得好勁，硬崩崩嘅建築物竟然可以變出如此柔軟嘅錯覺。未去世博之前，聞說有內地人話排幾個鐘頭入到去原來冇嘢睇，大呼搵笨，到自己親身睇過之後，再一次證明，凡事都要用自己嘅經驗去判斷，因為唔同人嘅角度真係會好唔同。
下午時分，好多人排隊，所以影下外觀先，夜晚臨閉館先入。外牆並冇標明英國館，但你睇到個米字就一定認得，而且個米字仲係由物質距離嘅明暗層次構成，加上成個館內外都冇任何大字，唔駛講咁多，呢啲咪叫高囉。
一入到去，嘩！俾數以萬計嘅種子包圍，有一種說不出嘅震撼。點講呢？係比喻、係生命，係從生命去睇生命，從生命去演化生命、培育生命。世博完結之後，呢啲種子棒會分發到中國大大小小嘅學校，係英國送俾中國嘅禮物。
呢個意象，我總係覺得好matrix。
有光、有形、有層次，單係視覺上已經好靚！
最奇妙嘅係，每一顆種子都有自己獨特嘅形態......
Better City, Better Life, 如果你用呢件installation交功課，低水準嘅老師會話你離題，仲會因為你唔寫解釋而扣分。
入夜，滿園萬紫千紅之間，英國館係最低調嘅一個，但又最引人入勝。佢可能係最慳電嘅一個館，acrylic種子棒嘅LED由內而外由外而內，幾乎係成個館嘅唯一光源。行出空地，坐一陣，感受一下寧靜，開始唔捨得走，呢個係設計旅程嘅一部份......咦，原來我哋睇緊星喎！
生命就如滿天繁星。
That's Sustainability.
(P.S. 按館內年青中國職員嘅說法：英國向來俾人「保守嘅印象」，所以呢次設計師要發揮英國人嘅「創意」......我哋問該職員，覺得呢個館設計如何，佢話：我覺得還是挺有創意的.......。講真，作為中國人，我實在冇辦法用保守嚟形容英國。咁中國幾時先整啲新嘢出嚟俾人睇，唔再玩四大發明同古代建築呢？)
～第八節完～
英國館個設計師係太古廣場舊foodcourt個位置做左個好正既廁所。廁隔既門無鉸!
回覆刪除如果中國肯花時間去發展和改良一些傳統文化好似上述的四大發明都算好 最麻煩是中國連動腦筋都懶 翻版侵權問題嚴重 連世博首主題曲都抄... 不過對於一些向外宣傳國力的科研如航天科技 中國人的確願意花時間去發揮創意...
回覆刪除国门吖国门，点解你甘窄嘎
回覆刪除咦, 太古廣場個廁所, 我成日幫襯架喎! 原來就係佢~
回覆刪除其實個門鉸係點搞架呢?係咪只係用軟仿木表層遮蓋咗?
木柵
回覆刪除咁Lemon你最欣賞邊個館呢?
回覆刪除過去十幾年我覺得香港人和文化失去情感和感染力,人人表情彊硬缺乏神釆.政府只會抆本子辦事欠缺人情味和寬容
回覆刪除更慘嘅係,我發現香港人原來唔講道理同埋唔識替人設想.
回覆刪除每個人都要有為他人誜想之心,如果人人任意妄只顧自己喜惡不理其他人 整個社會就會訜爭不斷
回覆刪除昨晚看了相思光年令我很感動,男主角可以等女主角咁耐.女主角為了男主角竟然寧願自已離開 相思之苦不能用筆墨形容 如果我是男主角我一定陪她渡一生最後的一段路 為了愛一個人犧姓自己幸福不是人人司以造得到 尤其相愛又不能碰是很痛苦
回覆刪除關於那個廁隔的建造法，我不太清楚啊，樓上說是木柵，我覺得可能是很多層軟木粘在一起。之前聽那個設計師的訪問他沒有說到。
回覆刪除至於那個館我最喜歡，我還沒去，八月中才去，現在不敢武斷。但感情上，就是英國館。我從他之前為修頓球場做改建方案的時候開始看他的東西。之前有兩次在機場巧遇過他，粗著膽去打斷他手提通話，震著跟他聊了幾分鐘。之前他事業有點碰釘，看見他的第二春，替他超高興。另外，關於認為英國人保守的典型，我覺得在倫敦那個創意圈子以外好像還有它相當的真實性。那個設計師就是在曼城搞垮了一樣東西，當地市政府要他陪好多錢。